ЖЕКЕ КӘСІПКЕРЛІКТІ МЕМЛЕКЕТТІК ТІРКЕУ ТӘРТІБІ ҚАНДАЙ?
Бұл сұраққа «Халыққа қызмет көрсету орталығы» департаменті Қармақшы аудандық бөлімінің құжаттарды қабылдау жөніндегі маманы Ақылжан Абайұлы Ералиев жауап береді.
Жеке кәсіпкерлікті (Бұдан әрі - ЖК) мемлекеттік тіркеу орналасу орны бойынша мемлекеттік кірістер органына тікелей немесе «Азаматтарға арналған үкімет» Мемлекеттік корпорациясы арқылы төмендегі құжаттарды ұсынады:
1. салық және басқа міндетті төлемдердің бюджетке түсулерін қамтамасыз ету саласында басшылықты жүзеге асыратын уәкілетті органмен бекітілген нысан бойынша салық өтініші;
2. жеке кәсіпкердің орналасу орнын растайтын құжат жеке куәлік.
ЖК орналасу орнын растайтын құжат мыналар болып табылады:
• мекен-жай анықтамасы;
• жылжымайтын мүлікті пайдалану немесе жылжымайтын мүлікке меншік құқығын растайтын құжат.
«Электрондық үкімет» веб-порталы арқылы электрондық цифрлық қолтаңбасы арқылы ХҚКО-да орналасқан «Өзіне-өзі қызмет көрсету секторы» арқылы тіркеле алады.
«Электрондық үкімет» веб-порталы арқылы электрондық нысанда салық өтінішін беруде ЖК орналасу орнын растайтын құжатты ұсыну талап етілмейді.
ЖК ойдағыдай тіркегеннен кейін кәсіпкерге мемлекеттік кірістер органының лауазымды тұлғасының электронды цифрлық қолтаңбасы қойылған электронды нысанда мемлекеттік тіркеу туралы куәлік беріледі.
Бірлескен жеке кәсіпкерлікті мемлекеттік тіркеу туралы куәлікке мемлекеттік кірістер органымен расталған оның мүшелерінің тізімі қоса беріледі.
ЖК мемлекеттік тіркеу туралы куәлік (бірлескен ЖК) мерзімсіз болып табылады.
Пікір 12