» » Эхинококкоз ауруының алдын алайық

Эхинококкоз ауруының алдын алайық

qarmaqshy-tany.kz ЭХИНОКОККОЗ – ПАРАЗИТАРЛЫҚ ІНДЕТ. ҚОЗДЫРҒЫШТАРЫ – ТАСПАЛЫ ГЕЛЬМИНТТЕР. ОЛ АДАМ ҮШІН ДЕ ӨТЕ ҚАУІПТІ АУРУ. АДАМ АБАЙСЫЗДА ЖЕМІСЖИДЕК, ӨСІМДІКТЕР, СУ, ТАҒАМДАРМЕН ҚҰРТТЫҢ ЖҰМЫРТҚАСЫН ЖҰТЫП ҚОЙҒАНДА АУРУҒА ШАЛДЫҒАДЫ.
Ауру қоздырғышы негізінен иттен, шибөрі, түлкіден тарайды. Итке ауырып өлген малдың өлексесін не ішек-қарын қалдықтарын жегенде жұғады. Адам ішегіне түскен эхинококкоз жұмыртқасы қан тамырына өтіп, одан қан арқылы бауырды, өкпені, тағы басқа ішкі органдарды зақымдайды. Құрты өте жай өсетіндігі салдарынан сырқат белгілері біртіндеп білінеді, ауру бірнеше жылға созылады. Негізінен адам мен ауыл шаруашылығы жануарлары үшін инфекция көзі қоздырғыштың микроскопиялық жұмыртқаларын сыртқы ортаға бөлетін жұқпалы иттер болып табылады. Жұмыртқалар иттің жүнінде, олардың нәжісінде, жерде немесе шөптерде, (ит жатқан жерде), ашық су қоймаларында (иттің нәжісі түсуі мүмкін) болуы мүмкін.
Аудан бойынша былтыр эхинококкоз ауруының 2 жағдайы тіркелген болатын. Ауру ошақтарынан жемістер мен көкөністер, топырақтың үлгісі және шайынды сынамалары алынып, оң нәтиже анықталған жоқ. Биыл аудан бойынша эхинококкоз ауруы тіркелген жоқ және алдағы уақытта ауру тіркелуін болдырмау мақсатында ақпараттық түсіндірме жұмыстары жүргізілуде.
Аудандық санитариялық-эпидемиологиялық бақылау басқармасы паразиттерді жұқтырып алмас үшін бірнеше ережелерді сақтауға кеңес береді. Олар қарапайым жеке бас гигиенасын сақтау, көшеден келгеннен кейін тамақтанар алдында ақшамен, жануарлармен жанасқаннан кейін қолды сабындап жуу, қаңғыбас иттерге жақындамау, үй жануарлары бар болса жүйелі түрде ветеринариялық клиникаға тексертіп отыру. Міндетті түрде жануарды дегельминтизациялаудан өткізіп отыру, аурудың белгілері байқалған болса, дәрігер көмегіне жүгіну.
Қарапайым алдын алу шараларын сақтау денсаулықты сақтауға және ауруды болдырмауға көмектеседі. Өмірдің негізі – денсаулық, денсаулық негізі – тазалық екенін әрқашан жадыңызда ұстаған абзал.
Гүльфараз ЖҰМАБЕКОВА,
аудандық санитариялықэпидемиологиялық бақылау
басқармасының эпидемиологиялық қадағалау бөлімінің жетекші маманы
25 наурыз 2023 ж. 418 0

PDF нұсқалар мұрағаты

№56 (10321)

16 шілде 2024 ж.

№55 (10320)

13 шілде 2024 ж.

№54 (10319)

10 шілде 2024 ж.

Оқиғалар

Көк тәбішке
12 шілде 2024 ж. 154
Қызғаншақ кемпір

Қызғаншақ кемпір

08 шілде 2024 ж.

Сұхбат

Әйел алмайтын асу жоқ
16 шілде 2024 ж. 105

Суреттер сөйлейдi

Кешкі бұлттар бейнесі
07 шілде 2024 ж. 313

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031