Балаларда кездесетін эхинококкоз ауруы
Эхинококкоз – үй жануары арқылы тасымалданатын паразитті ауру. Паразит жануардың ішінде бірнеше даму сатысынан өтіп, содан соң ,жануардың нәжісімен жерге түседі. Жерге түскен жұмыртқалар онкосфералар деп аталады. Онкосфералар ауа температурасының өзгерістеріне берік әрі сыртқы ортаға бейімделгіш болып келеді.
Балалар көбінесе ,үй жануарларымен қарым-қатынас кезінде ,жануарлардың жүні, шаң-тозаң , су арқылы жұқтырады.Егер ,паразит тамақпен бірге ағзаға түссе ,бауыр эхинококкозы , егер ауа арқылы тараса өкпенің эхинококкозы болып табылады. Аурудың белгілері көбінесе байқалмайды, эхинококк өсіндісі өкпені рентгенологиялық немесе бауырды ультрадыбыстық зерттеу кезінде анықталып жатады. Сәбиде эхинококкоз ауруы анықталған жағдайда , барлық отбасы мүшелерін тұрғылықты жер бойынша емханада тексеруден өткізу қажет. Қандай алдын алу шараларын қолға алу қажет ? 1) Жеке гигиенаға , әсіресе ,қол тазалығына аса көңіл бөлу қажет. 2)Үй жануарларын , ауылдық жерлерде ірі қара малды ішек-құрттарынан тазарту шараларын атқару қажет. Жануарларды уақтылы ветеринарлық тексеруден өткізіліп ,олардың қалдықтарын жойылуы, жануар өнімдерін жеткілікті мөлшерде термиялық өңдеуден өткізу қажет. Ветеринарлық қызметтің жұмысын жақсарту ,үй жануарларын эхинококкоз ауруын жұқтыруын бақылауға алу ,бұралқы иттер мен мысықтарды санын азайту , тұрғындардың өмір сүру дағдысын , санитарлық білімі және жеке гигиенаны сақтау мәдениетін арттыру қажет.
ҚР ДСМ ТКҚСҚБК«Ұлттық сараптама орталығы»
ШЖҚ РМК Қызылорда облысы бойынша
филиалының Қармақшы аудандық бөлімшесінің
паразитологиялық зертхана лаборанты А.Ж.Жанғабылова
