Қазірде анасы мен қызының бірдей киінуі сәнге айналды. Ол киім үлгілері әр алуан болып келеді. Солардың бірін назарларыңызға ұсынамыз. Жазғы күнделікті образ: Бұл екі образ анасы мен қызын аса нәзік әрі сұлу етіп көрсетіп тұр. Қыз бала табиғатынан нәзікжанды болып келетіндіктен, мұндай фактурада тігілген көйлек одан сайын әсем етіп көрсетеді. Сол себепті жазғы көйлек таңдауда гүлді, жүрек принтті матаға назар аударыңыз. Денеге жабысып тұрмайтын, бостау келетін көйлектер серуенге, бақшаға не сауда орталығына қыдырып баруға өте қолайлы. Бұл коллаждағы екінші суреттегі түстер биылғы жаз маусымының трендті түстері саналады. Сол себепті көйлек болмаса да, аксессуар таңдауда көк түсінің реңктеріне назар аударыңыз. Ал үшінші үлгі ең нәзік нұсқа. Ол әсіресе аққұба, сарғыш аруларға жарасады. Гипюр матадан тігілгендіктен, оны аса ыстық емес күні кигеніңіз абзал. Кешкі жиын образы: Гипюр матадан тігілген көйлек былтырғы және биылғы маусымның тренді болып келеді. Сол себепті тойға, кешкі жиынға көйлек алғыңыз келсе, суреттегідей үлгідегі гипюр ақ матадан тігілген көйлекті таңдауыңызға болады.  Қыз бала қашанда анасына жақын болатындықтан, кішкентай кезінен бастап анасының биік өкшелі туфлиін, көйлектерін киіп көруге ынтық болады. Баланың сол арманын орындау үшін шеберханаға осындай сәнді көйлектерге тапсырыс беріп, қуантуыңызға болады. Суреттегі былғары көйлекті образды жұмсарту үшін стилистер өкшесі жоқ аяқ киім таңдады. Расында да былғарыдан жасалған белдемше, көйлек киетін болсаңыз биік өкшелі туфлиден аулақ болыңыз. Сізге бұл идея ұнады ма?