МАҚСАТЫМ – ЕЛГЕ ҚЫЗМЕТ ЕТУ
Қуаныш БЕРІКҰЛЫ,
Мәскеу ұлттық технологиялық зерттеу университетінің студенті:
Әрбір шетелде оқыған студент өзінің білім деңгейін маман ретінде қаншалықты көтерілу керегін басқалармен салыстырады. Қазақстанның дамуына үлес қосуы үшін білімімен бірге өмір тәжірибесін де ала келеді. Инженер-металлург мамандығы бойынша Мәскеуде білім алып жатқан Қуаныш Аптайжановтың ойынша, облыс әкімінің гранты – жастардың шамшырағын жағуға әрі өңірдің кадрлық қажеттілігін өтеуге бағытталған үлкен мүмкіндік.
– Мәскеудегі озық университеттердің біріне оқуға түсу үшін не істеу керек?
– Өзім – қармақшылықпын. 2016 жылы осындағы №250 мектеп-лицейді тәмамдадым. ҰБТ-ға дайындалып жүргенде апайымыз облыс бойынша конкурс болатынын айтты. Қызығушылық танытып тапсыруға бардым. 2-3 айдан соң нәтижесі шығып, грантқа түскенімді білдім. Біз үшін, жастар үшін керемет мүмкіндік емес пе? Бүгінде Мәскеу ұлттық технологиялық зерттеу университетінің 3-курс студентімін. Жыл сайын бөлінетін облыс әкімінің гранты мектеп бітірген түлектерге берілген үлкен мүмкіндік. Бұл жақтан біліміңді шыңдап, терең үңілесің, тіл үйренесің. Білімді болсаң ғана өзге елдің жастарымен иық тіресе аласың.
– Мәскеу ұлттық технологиялық зерттеу университетінде 700-ден аса қазақстандық студент оқиды. Ресей астанасында 10 мың қазақстандық студент бар екен. Жалпы қазақылығымызды дәріптейтін қоғамдық жұмыстар ұйымдастырылып тұра ма? Қазақстандық студенттердің басын қосуға қандай қадамдар жасауда?
– Әрине, сыртта жүрген соң өз қандасыңды іздейсің. Жаңадан оқуға түскендерін көрсең бауырыңдай ыстық сезімге бөленесің. Барлығымыз жиі кездесіп тұрамыз. Әсіресе мереке күні қазақстандық студенттермен басымызды қосып, бір-бірімізді қонаққа шақырамыз. Иә, ұлттық болмысымызды насихаттайтын іс-шаралар ұйымдастырылып тұрады. Барлығымыз да бір үйдің баласындай атсалысамыз. Ең бастысы ұлттық құндылықтарымызды ұмытпай, керісінше оны өзгелерге дәріптеу – біздің ең бірінші мақсатымыз.
– Бізде бәрі бар. Бірақ сыртқа тәуелдіміз. Кәдімгі бұранда (шуруп) шығаратын металл бар. Бірақ біз шикізатты сыртқа жібереміз де соны бұранда қылып, қайта қымбатқа сатып аламыз. Қазақстан бойынша бір ғана компания Қытайдан бұранда тасумен айналысады екен. Ал сол бұранданы өз елімізден де шығаруға болады. Алдағы уақытта осы істі қолға алып, ел дамуына үлес қосу ойыңызда бар ма?
– Менделеевтің атап өткен элементтерінің барлығы дерлік өз елімізде бар. Қазақстан – қазыналы мемлекет. Тек сол байлығымызды дұрыс қолдана білу керек. Ресейде тұтынушының белсенділігі жоғары. Егер құрылыс материалының сапасы нашар болса, мекемеге сапасының төмен екенін айтып, шағым түсіреді. Мекеме оны түзетуге тырысады. Себебі, тұтынушысын жоғалтқысы келмейді. Ал бізде сапасы нашар затқа сын, ұсыныс айтылмайды. Көбіне шағым кітабына да жазылмайды. Егер қазақстандық өнім сапасыз болған жағдайда сол мекемеге тұтынушылар шағым айтса, ол алдағы уақытта жасаған қателігін түзер еді. Жалпы Ресей жастарының бизнеске құлшынысы зор. Тек жігер керек. Әрине, бұл жақта алған білімім мен тәжірибеммен Отанымыздың дамуы үшін аянбай еңбек етуге дайынмын.
– Шетелге оқуға кеткен қазақстандық жастардың жартысы дерлік елге оралмайды. Кейбірі келісім-шартпен шетелде қалып, сол жақта белгілі уақытқа дейін жұмыс істеуде. Ал, сіздің алға қойған мақсатыңыз қандай?
– Адамда арман таусылған ба? Мақсат та, арман да көп. Ең алдымен оқуымды бітіріп, оны одан әрі дамытып магистратураға түскім келеді. Білімімді толықтырған соң Қазақстанға оралып, ел дамуына үлес қосу – басты мақсатым. Арман – адам қанаты. Оған жету үшін де адамға сенім, жігер, талпыныс керек. Егер Мәскеуге оқуға түскісі келетін жас болса, қол ұшын беруге, жол көрсетуге, құшақ жая қарсы алуға дайынбыз. Біліктілікті арттырып, тәжірибе жинауға мол мүмкіндік болғанда соны ұтымды пайдалану керек. Себебі, уақыт алтыннан да қымбат. Бүгінгі даму үдерісіндегі уақыт ағымында еліміздің өркендеуі үшін әрбір қазақстандықтың еселі еңбегі ерекше маңызға ие.
– Сұқбатыңызға рақмет!
Мәскеу ұлттық технологиялық зерттеу университетінің студенті:
 |  |
– Мәскеудегі озық университеттердің біріне оқуға түсу үшін не істеу керек?
– Өзім – қармақшылықпын. 2016 жылы осындағы №250 мектеп-лицейді тәмамдадым. ҰБТ-ға дайындалып жүргенде апайымыз облыс бойынша конкурс болатынын айтты. Қызығушылық танытып тапсыруға бардым. 2-3 айдан соң нәтижесі шығып, грантқа түскенімді білдім. Біз үшін, жастар үшін керемет мүмкіндік емес пе? Бүгінде Мәскеу ұлттық технологиялық зерттеу университетінің 3-курс студентімін. Жыл сайын бөлінетін облыс әкімінің гранты мектеп бітірген түлектерге берілген үлкен мүмкіндік. Бұл жақтан біліміңді шыңдап, терең үңілесің, тіл үйренесің. Білімді болсаң ғана өзге елдің жастарымен иық тіресе аласың.
– Мәскеу ұлттық технологиялық зерттеу университетінде 700-ден аса қазақстандық студент оқиды. Ресей астанасында 10 мың қазақстандық студент бар екен. Жалпы қазақылығымызды дәріптейтін қоғамдық жұмыстар ұйымдастырылып тұра ма? Қазақстандық студенттердің басын қосуға қандай қадамдар жасауда?
– Әрине, сыртта жүрген соң өз қандасыңды іздейсің. Жаңадан оқуға түскендерін көрсең бауырыңдай ыстық сезімге бөленесің. Барлығымыз жиі кездесіп тұрамыз. Әсіресе мереке күні қазақстандық студенттермен басымызды қосып, бір-бірімізді қонаққа шақырамыз. Иә, ұлттық болмысымызды насихаттайтын іс-шаралар ұйымдастырылып тұрады. Барлығымыз да бір үйдің баласындай атсалысамыз. Ең бастысы ұлттық құндылықтарымызды ұмытпай, керісінше оны өзгелерге дәріптеу – біздің ең бірінші мақсатымыз.
– Бізде бәрі бар. Бірақ сыртқа тәуелдіміз. Кәдімгі бұранда (шуруп) шығаратын металл бар. Бірақ біз шикізатты сыртқа жібереміз де соны бұранда қылып, қайта қымбатқа сатып аламыз. Қазақстан бойынша бір ғана компания Қытайдан бұранда тасумен айналысады екен. Ал сол бұранданы өз елімізден де шығаруға болады. Алдағы уақытта осы істі қолға алып, ел дамуына үлес қосу ойыңызда бар ма?
– Менделеевтің атап өткен элементтерінің барлығы дерлік өз елімізде бар. Қазақстан – қазыналы мемлекет. Тек сол байлығымызды дұрыс қолдана білу керек. Ресейде тұтынушының белсенділігі жоғары. Егер құрылыс материалының сапасы нашар болса, мекемеге сапасының төмен екенін айтып, шағым түсіреді. Мекеме оны түзетуге тырысады. Себебі, тұтынушысын жоғалтқысы келмейді. Ал бізде сапасы нашар затқа сын, ұсыныс айтылмайды. Көбіне шағым кітабына да жазылмайды. Егер қазақстандық өнім сапасыз болған жағдайда сол мекемеге тұтынушылар шағым айтса, ол алдағы уақытта жасаған қателігін түзер еді. Жалпы Ресей жастарының бизнеске құлшынысы зор. Тек жігер керек. Әрине, бұл жақта алған білімім мен тәжірибеммен Отанымыздың дамуы үшін аянбай еңбек етуге дайынмын.
– Шетелге оқуға кеткен қазақстандық жастардың жартысы дерлік елге оралмайды. Кейбірі келісім-шартпен шетелде қалып, сол жақта белгілі уақытқа дейін жұмыс істеуде. Ал, сіздің алға қойған мақсатыңыз қандай?
– Адамда арман таусылған ба? Мақсат та, арман да көп. Ең алдымен оқуымды бітіріп, оны одан әрі дамытып магистратураға түскім келеді. Білімімді толықтырған соң Қазақстанға оралып, ел дамуына үлес қосу – басты мақсатым. Арман – адам қанаты. Оған жету үшін де адамға сенім, жігер, талпыныс керек. Егер Мәскеуге оқуға түскісі келетін жас болса, қол ұшын беруге, жол көрсетуге, құшақ жая қарсы алуға дайынбыз. Біліктілікті арттырып, тәжірибе жинауға мол мүмкіндік болғанда соны ұтымды пайдалану керек. Себебі, уақыт алтыннан да қымбат. Бүгінгі даму үдерісіндегі уақыт ағымында еліміздің өркендеуі үшін әрбір қазақстандықтың еселі еңбегі ерекше маңызға ие.
– Сұқбатыңызға рақмет!
Сұқбаттасқан
Айнұр ӘЛИ,
«Қармақшы таңы»
