Қызылордалық қаламгерлер Мәскеуде халықаралық журналистер конференциясына қатысуда

Облыс әкімінің кеңесшісі Д.Бисембинаның жетекшілігімен Мәскеуге сапарлатқан "Сыр медиа" серіктестігіне қарасты аудандық басылымдар бас редакторлары "Сандық журналистиканың түрленуі: аймақтық, ұлттық және глобалдық мәселелері" атаулы Х халықаралық конференцияға қатысуда. Жиын шымылдығын М.Ломоносов атындағы Мәскеу мемлекеттік университетінің журналистика факультетінің деканы Елена Вартанова ашып , еселі еңбегі үшін Италияның Перуджи университетінің профессоры Паоло Манчиниге М.Ломоносов атындағы Мәскеу мемлекеттік университетінің "Құрметті профессоры" атағын табыс етті. Семинарда атағы алысқа шапқан Паоло Манчини (Италия), Ханну Ниеминен (Финляндия), Массимо Рагнедда (Ұлыбритания), Лю Янь (Қытай), Моновара Бегум Мони (Германия), Малини Сринвасан (Үндістан) сынды ғалымдар дәріс оқуда.