Мәскеудегі пионерлер сарайында Қазақстанның Мәдениет күні өтті

Мәскеуде қазақ диаспорасы тарапынан «Менің үйім – Мәскеу» Ұлттық мәдениет балалар фестивалі аясында мерекелік шара ұйымдастырылды. Қонақтар дәстүрлі ұлттық ойындарға қатысып, этникалық кәде-сыйлар көрмесінде болды. Мәскеудегі балалар орталықтарының бірінде киіз үй тігіліп, «Көшпенділер» этнопаркінің фотокөрмесі ашылды. Сахнада қазақ диаспорасының шығармашылық ұжымы, «Алтын күз» Мәскеу жастар фестивалінің лауреаттары, «Шабыт» домбырашылар ансамблі, «Томирис» фольклорлық-хореографиялық ансамблі және «Як-сарт» тобы өнер көрсетті. Камшат Шахатова, ММЛУ жанындағы қазақ тілі мен мәдениеті орталығының директоры: – Елден тыс жүрген отандастарымыз үшін өзінің түп-тамырын, әдет-ғұрыптарын ұмытпай, болашақ балаларға үйрету маңызды. Олар шыққан тегін, дәстүрін ұмытпауы маңызды. Бұл біздің борышымыз деп ойлаймын.

24.kz