ҮЗДІК ҰЙЫМ
«ЖОМАРТ ЖҮРЕК» СЫЙЛЫҒЫНЫҢ «ЖЫЛДЫҢ ҮЗДІК ҰЙЫМЫ» НОМИНАЦИЯСЫНЫҢ ИЕГЕРІ «Аңсаған» қоғамдық бірлестігі (төрайымы Райымбаева Бақыткүл Картайқызы) 2007 жылдан бастап мүмкіндігі шектеулі балалармен жұмыс жасап келеді. Мүмкіндігі шектеулі балалар арасында түрлі ертеңгілік, семинар, жарыс, ұлттық танымдық ойын, көрме, отбасылық спорттық сайыс, дөңгелек үстелдер өткізген. Бірлестік жанында «Руханият» үйірмесі жұмыс жасайды. Мүмкіндігі шектеулі балалармен жұмыс жасау барысындағы еңбегі үшін 2009 жылы аудан әкімінің «Жылдың үздік үкіметтік емес ұйымының өкілі» номинациясы бойынша дипломмен, 2013 жылы «Бәріміз бірдейміз, кемсітуді білмейміз» мүмкіндігі шектеулі балалар арасында «Ең үздік әлеуметтік жоба» номинациясы бойынша 3-орын дипломымен, 2013 жылы «Парыз-2013» Республикалық конкурсқа қатысқаны үшін ҚР Еңбек және халықты әлеуметтік қорғау министрі Т.Қ.Дүйсенованың дипломымен, Тұңғыш Президент күніне орай «Халықаралық Адам құқығын қорғау комитетінің» ҚР-дағы өкілдігінің президенті, генерал-майор Ә.А.Нұрмановтың алғыс хатымен марапатталған.
