РУХАНИ ҚОЛДАУ ОРТАЛЫҒЫ АШЫЛДЫ
АУДАНДА АЛҒАШ РЕТ «ӘЛЕУМЕТТІК РУХАНИ ҚОЛДАУ» ОРТАЛЫҒЫ АШЫЛДЫ. ЖАЛПЫ ОРТАЛЫҚ АУДАНДЫҚ ЖҰМЫСПЕН ҚАМТУ, ӘЛЕУМЕТТІК БАҒДАРЛАМАЛАР ЖӘНЕ АЗАМАТТЫҚ ХАЛ АКТІЛЕРІН ТІРКЕУ БӨЛІМІНІҢ ТАПСЫРЫСЫНА СӘЙКЕС «ЖАС ОРДА» ЖАСТАР ҚОҒАМДЫҚ БІРЛЕСТІГІНІҢ ҰЙЫМДАСТЫРУЫМЕН «МҮМКІНДІГІ ШЕКТЕУЛІ АЗАМАТТАРМЕН ЖҰМЫС ІСТЕУ ӘЛЕУМЕТТІК ҚЫЗМЕТ ЖҰМЫСЫН ҰЙЫМДАСТЫРУ ҚЫЗМЕТІ» ӘЛЕУМЕТТІК ЖОБАСЫ АЯСЫНДА ЖҮЗЕГЕ АСЫП ОТЫР.
Мақсат – мүмкіндігі шектеулі жандармен мәдени-көпшілік шаралар өткізу, олардың бос уақытын тиімді ұйымдастыру, ақпараттармен кеңес беру.
– Осындай орталықтың ашылуын аудан әкіміне ұсынған болатынбыз. Нәтижесінде қолдау тауып, аудандық бюджеттен қаржы бөлінді. Негізгі міндет – мүмкіндігі шектеулі жандарға түрлі мәселе бойынша уақытылы кеңес беру, – деді аудан әкімінің орынбасары Еркебұлан Меңлібаев.
Айта кетерлік жайт, орталық жұмыссыз жастарды жұмыспен қамтып отыр. Ал "алдағы уақытта жұмыс өз жемісін берсе бір жылдан соң қайта ашу жоспарда бар" – дейді жоба жеңімпазы Әлібек Нұрланұлы.
Айнұр ӘЛИ,
«Қармақшы таңы».
