Тақырыптық қабылдау өткізілді
«Нұр Отан» партиясы Қармақшы аудандық филиалының қоғамдық қабылдау бөлмесінде «Кедергісіз келешек» партиялық жобасы аясында мүмкіндігі шектеулі азаматтарды Бірыңғай тақырыптық қабылдауы өтті. Қабылдауға «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, амбулаториялық-емханалық қызметі бар Қармақшы аудандық орталық ауруханасының бас дәрігері Нысанбаев Бақытжан Сағилатұлы, аудандық жер қатынастары бөлімінің басшысы Өтегенов Бақытжан Алиханұлы, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Метерова Зере Қорғанбекқызы, аудандық тұрғын үй коммуналдық шаруашылық жолаушылар көлігі және автомобиль жолдары бөлімінің басшысы Жиенбаев Марат Мұратбекұлы, аудандық соқырлар қоғамдық бірлестігінің төрайымы Үсенова Эльмира Әбілдақызы және кент тұрғындары қатысты. Акция барысында мекеме басшылары азаматтарды жеке мәселелері бойынша қабылдап, түсірдірме жұмыстарын жүргізіп, заң аясында кеңестерін берді.
