Қабылдау болып өтті

«Нұр Отан» партиясы Байқоңыр филиалының қоғамдық қабылдау бөлмесінде «Кедергісіз келешек» партиялық жобасы аясында мүмкіндігі шектеулі азаматтарды тақырыптық қабылдау өтті.
Қабылдауды «Нұр Отан» партиясы Байқоңыр филиалы төрағасы бірінші орынбасарының міндетін атқарушы Мұханова Кенжегүл мен Қармақшы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің Байқоңыр қаласы бойынша секторының меңгерушісі Мүсіркегенов Құрманғали қатысты.
Қабылдауға келген азаматтарға заң аясында түсіндірме жүргізіп, Елбасы Нұрсұлтан Әбішұлы Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына жолдауы түсіндірілді.