«Кедергісіз келешек» партиялық жобасы аясында мүмкіндігі шектеулі азаматтарға Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасын түсіндіру мақсатында «Нұр Отан» партиясы Қармақшы аудандық филиалы төрағасының бірінші орынбасары Д.Буханов, аудандық жұмыспен қамту әлеуметтік бағдарламалар және азаматтық хал актілерін тіркеу бөлімінің консультанты Д.Суйескенова, Жосалы кенті әкімі аппаратының маманы Е.Төрешов, аудандық кәсіпкерлік өнеркәсіп және туризм бөлімінің статисті М.Қанатов, амбулаториялық емханалық қызметі бар Қармақшы аудандық орталық ауруханасының аймақтық дәрігері Ә.Нұрлыбековалардың қатысуымен Жосалы кентіндегі мүмкіндігі шектеулі азаматтарының үйлерін аралап түсіндіру жұмыстарын жүргізді.

«Нұр Отан» партиясы Байқоңыр филиалының ұйымдастыруымен «Кедергісіз келешек» партиялық жобасы аясында Ақай ауылдық округінде мүмкіндігі шектеулі азаматтармен Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасын түсіндіру мақсатында кездесу өтті.

«Нұр Отан» партиясы Байқоңыр филиалының консультанты Мереков Әсет, «Ақай ауылдық округі» аппаратының қызметкері Садықова Жанар, «Атамекен» Қызылорда облысы кәсіпкерлер палатасының Байқоңыр қаласындағы филиал директоры Жолашов Асылхан мүмкіндігі шектеулі азаматтардың үйлеріне кіріп бағдарлама жайында кеңінен түсіндірді.