«Нұр Отан» партиясы Қармақшы аудандық филиалында «Сыбайлас жемқорлық жоқ ел-өркендеуші ел» партиялық жобасы аясында «Жемқорлық- жегі құртпен тең» тақырыбында дөңгелек үстел отырысы өткізілді. Отырысқа аудандық жастар ресурстық орталығы МКМ, «Теміржол» бастауыш партия ұйымының мүшелері қатысты. Отырысты «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Дастан Буханов ашып, күн тәртібіндегі мәселемен таныстырып, Сыбайлас …жемқорлыққа қарсы іс-қимылдың 2015-2025 жылдарға арналған бағдарламасын іске асырылуын және олардың орындалуы жөнінде қысқаша тоқталып, «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы Қазақстан Республикасының Президенті Н.Ә.Назарбаевтың Қазақстан халқына Жолдауын түсіндірді. Шара барысында мекеме басшылары ҮЕҰ-дар БАҚ өкілдері және партия белсенділері қатысып қоғамда сыбайлас жемқорлыққа қарсы иммунитетті қалыптастыру, сыбайлас жемқорлық әрекеттерге деген төзімсіздік көзқарасты қалыптастыру жөнінде пікірлерін ортаға салып, өз ұсыныстарын білдірді.