Халық қалаулылары Қармақшы ауданында

Қазақстан Республикасы Мәжілісінің депутаттары Б.Ізмұхамбетов, А.Тасболатов, Қ.Сұлтанов, М.Ерман, Г.Шиповских іс-сапармен Қармақшы ауданында болып, аудан активімен кездесу өткізді. Кездесуге аудандық мәслихат депутаттары, мекеме басшылары, құқық қорғау саласының басшылары, үкіметтік емес ұйымдар, БАҚ өкілдері қатысты. Кездесуді Қармақшы ауданы әкімінің орынбасары Ә.Қошалақов жүргізіп отырды. Мәжіліс депутаттары Елбасы Н.Ә.Назарбаевтың «Болашаққа бағдар-рухани жаңғыру» атты мақаласының орындалу барысына, Қазақстан Республикасының Парламенті мәжілісінде депутаттар тарапынан атқарылып жатқан жұмыстарға тоқталып өтті.

Сондай-ақ, халық қалаулыларының іс-сапары аудандық ішкі істер бөлімінің қызметкерлерімен кездесіп, олардың жұмыстарымен танысумен жалғасты.