Ағымдағы жылдың 11 қаңтар күні Академик С.Жиенқұлов атындағы Байқоңыр колледжінде Қармақшы аудандық мәслихат депутаты Рзалиев Еркін «Есіктен есікке» акциясы аясында сайлаушылармен кездесу өткізді.

Акцияның негізгі мақсаты - Ел ішіндегі мәселелерді тыңдап, халықтың жағдайымен танысып, көтерілген көкейтесті сауалдарды шешу.

Кездесуге келген Қармақшы аудандық мәслихат депутаты Рзалиев Еркін үстіміздегі жылдың 10 қаңтар күні жарыққа шыққан Елбасы Нұрсұлтан Әбішұлының «Төртінші өнеркәсіптік революция жағдайындағы дамудың жаңа мүмкіндіктері» атты жолдаудағы 10 міндетке қысқаша тоқталып, тәуелсіз еліміздің 2017 жылы атқарған жұмыстарын мақтанышпен айтып өтті.

Кездесу барысында коммунальдық төлемдер төлеу кезіндегі қиындықтарын жеткізді. Өзі айлық жалақыны теңгемен алатынын, ал жылу мен жарыққа ресей рублімен төлеудегі айырманың отбасы қаражатына қиын соғып отырғандығы жөнінде жеткізді.