Қазақстан халқына жолдауын насихаттау

Қазақстан Республикасының Президенті Н.Назарбаевтың Қазақстан халқына жолдауын насихаттау мақсатында студенттермен кездесу.

2018 жылдың 6 ақпан күні Байқоңыр қаласындағы Академик С.Джиенкулов атындағы колледжінде Елбасы Нұрсұлтан Әбішұлы Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына жолдауын колледж ұжымына насихаттау мақсатында кездесу өткізілді. Аталған шараға «Нұр Отан» партиясы Байқоңыр филиалы төрағасының бірінші орынбасары, облыстық ассамблеяның Байқоңыр қалалық Қоғамдық келісім кеңесінің төрағасы А.Дауленбаев, Байқоңыр қалалық Аналар кеңесінің мүшесі Б.Қалиянова қатысып баяндама оқыды.

Жиын барысында әлем қазір ғарыштық жылдамдықпен дамып, кез келген сәтте адам ойламаған нәрселер дүниеге келіп жатқандығы, бұның барлығы біздің шапшаң қимылдауды, жедел бейімделуді талап ететіндігі айтылды.

Мемлекет басшысы Нұрсұлтан Әбішұлы Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы осы талаптарға сай болуымызды көздейді.

Биылғы Жолдаудағы міндеттердің ең маңыздысы –тұрақтылық. Оны қамтамасыз ету үшін даму деңгейі мен қауіпсіздікті қамтамасыз ету керек. Бұл мақсаттарға жету үшін елдің қауқары мен интеллектуалдық әлеуеті жоғары болуы тиіс.

Сондықтан, Жолдауда қоғамның барлық салаларын цифрландыру, заманауи технологияларды ендіру жайында кеңінен айтылды.

Біз төртінші өнеркәсіптік революция кезеңінде тұрмыз.

Осы ретте, Жолдаудың 10 міндеті – ел дамуының жаңа тынысы болмақ.