Төртінші өнеркәсіптік революция жағдайындағы дамудың жаңа мүмкіндіктері

«Нұр Отан» партиясы Қармақшы аудандық филиалының «Тұрмағамбет» БПҰ- ның №29 мектеп топтық ұйымында «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы Қазақстан Республикасының Президенті Н.Назарбаевтың Қазақстан халқына жолдаған Жолдауын талқылау мақсатында дөңгелек үстел отырысы болып өтті. Шараны №29 мектеп топтық ұйымының жетекшісі, мектеп директоры З.Тасымова ашып жүргізіп, Жолдаудың он міндеттеріне тоқталып өтті. Шара барысында мектеп директорының ғылыми әдістер жөніндегі орынбасары Б.Бержкенова Мемлекет басшысы Нұрсұлтан Назарбаевтың Қазақстан халқына Жолдауында төртінші өнеркәсіптік революция жағдайындағы дамудың жаңа мүмкіндіктерін айтып қана қоймай, нақты 10 бағыт бойынша маңызды міндеттерді атап көрсетті.