МӘДЕНИЕТ САЛАСЫ ҚЫЗМЕТКЕРЛЕРІ ЖОЛДАУДЫ ТАЛҚЫЛАДЫ
Мемлекет басшысы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» тақырыбында Қазақстан халқына жолдауын насихаттау түсіндіру мақсатында аудандық орталық кітапхананың оқу залында Қармақшы аудандық мәдениет саласы қызметкерлері арасында дөңгелек үстел болып өтті. Дөңгелек үстелді аудандық мәдениет және тілдерді дамыту бөлімнің басшысы Н.Наурызбаева ашып, жолдауда келтірілген ауқымды мәселелерге кеңінен тоқталып «Цифрлы дәуір» талаптарына сай болу керектігін атап өтті.
Сонымен қатар, аудандық орталықтандырылған кітапханалар жүйесінің директоры К.Қаниева «Тілдердің үштұғырлығы» мәдени жобасын кезеңдеп іске асыруға байланысты пікірін білдірсе. аудандық жыраулар үйінің директоры С.Жақсығұлов және Қармақшы аудандық тарихи-өлкетану музейінің директоры Д.Ержановтар Жолдауда көрсетілген маңызды мәселелер жайлы өз ойларымен бөлісті. Жиын қорытындысымен мәдениет саласы қызметкерлері бір ауыздан Елбасы Жолдауын қолдап, алдағы күндердегі міндеттерді жұмыла орындауға жұмыс жасайтындықтарын жеткізді.
