МЕМЛЕКЕТ ДАМУЫНЫҢ ТІРЕГІ
«Нұр Отан» партиясы Қармақшы аудандық филиалында «Теміржол» БПҰ- ныңұйымдастыруымен «Төртінші өнеркәсіптік революция жағдайындағы дамудың жаңа мүмкіндіктері» тақырыбындағы Қазақстан Республикасының Президенті Н.Назарбаевтың Қазақстан халқына Жолдауын талқылау мақсатында дөңгелек үстел отырысы болып өтті. Шараға «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты, Д.Буханов ашып жүргізіп, жолдаудың он міндетіне тоқталып өтті. Шара барысында «Теміржол» бастауыш партия ұйымының төрағасы А.Скендиров баяндама жасап, бастауыш партия ұйымына қарасты топты құйымдардың Елбасы жолдауын насихаттау, қолдау мақсатында сала, кәсіпорын қызметкерлеріне бүгінгі күнде жұмыстар жүргізіліп жатқандығы жөнінде тоқтайкеле жолдаудағы тоғызыншы міндет «Жемқорлықпен күрес және заңның үстемдігіне» тоқталып өтті. Бұл бағытта партия мүшелері ұдайы жұмыс жүргізетіндігін жеткізді. «Жастар ресурстық орталығының» директоры, аудандық мәслихат депутаты М.Ибраев Елбасы жолдауына аудан жастары әрқашан қолдау білдіретіндігін тілге тиек етті. Сондай ақ Теміржол» БПҰ-на қарасты №250 мектеп топтық ұйымының жетекшісі, мектеп директоры Г.Еркебаева жолдаудағы жетінші міндет адами капитал - жаңғыру негізі бағытына тоқталып, барлық жастардағы азаматтарды қамтитын білім беру ісіне ұдайы үлес қосатындығын және мектеп ұстаздарының арнайы білімін жетілдіру курстарында тағылымдамадан өтіп жатқандығын, жасұрпаққа сапалы білім беретіндігін сөз етті.
