«Нұр Отан» партиясының «Бақытты отбасы-бақытты балалық шақ», «Кедергісіз келешек» жобасы бойынша «Халықаралық балаларды қорғау күніне» орай «Нұр Отан - балаларға» республикалық акциясы аясында аудандық спорт кешенінде мүмкіндігі шектеулі балаларға арналған мерекелік шара болып өтті. Шараны «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д.Буханов ашты. Шараға Халықаралық «Қазақ тілі» қоғамы аудандық филиалының төрағасы Ә.Құлдүйсенов, «Аудандық әйелдер кеңесінің» төрайымы К.Раева, аудандық спорт және денешынықтыру бөлімінің басшысы Н.Мырзабаев, аудандық жұмыспен қамту әлеуметтік бағдарламалар және азаматтық хал актілерін тіркеу бөлімінің басшысы З.Метерова және қызметкерлері, сонымен қатар ата-аналар мен балалар қатысты. Мерекелік шарада балалар арасында спорттық ойындар, сайыстар өткізіліп, дипломмен бағалы сыйлықтар табыс етілді.