Көктемнің алғашқы күні «Нұр Отан» партиясы үшін ерекше мәні бар маңызды күн. Осындай күні «Нұр Отан» партиясы Қармақшы аудандық филиалының мәжіліс залында партияның құрылғанына 19 жылдығымен орай салтанатты шара өтті. Шараға аудандық партия филиалы қызметкерлері, партия ардагерлері, бастауыш партия ұйымдарының мүшелері, партия белсенділері қатысты. Салтанатты шараны «Нұр Отан» партиясы Қармақшы аудандық филиалы төрағасының… бірінші орынбасары, аудандық мәслихат депутаты Д.Буханов ашып, шараға қатысушыларды партия күнімен құттықтап, «Нұр Отан» партиясының ел мүддесі жолындағы оң бастамалары игі істердің арқауы болып, партия қатарының да күннен - күнге өз қолдаушыларымен толығып келе жатқанын айтты. Сонымен бірге партия белсенділерін "Нұр Отан" партиясы Қармақшы аудандық филиалының төрағасы С.Мақашовтың атынан алғыс хаттармен марапаттап, партия қатарына жаңадан қабылданушыларға партиялық билеттерді салтанатты түрде табыстады. Шара барысында Халықаралық «Қазақ тілі» қоғамы аудандық филиалының төрағасы Ә.Құлдүйсенов, аудандық «Ардагерлер кеңесінің» төрағасы Қ.Есдәулетов, аудандық «Әйелдер кеңесінің» төрайымы, аудандық мәслихат депутаты К.Раевалар біздің партиямыз – «Нұр Отан» партиясы жауапты саяси күш ретінде барлық қиындықтар мен сынақтарды халықпен бірге бөлісіп, әрқашан еліміз үшін күрделі әрі өмірлік маңызы бар шешімдер қабылдады және олардың орындалуына әрдайым қол жеткізіп отырғандығын айта келе шараға қатысушыларды бүгінгі мерекелерімен құттықтады. Сонымен қатар марапат иелері С.Балғожина, Ш.Саймағанбетова, К.Берденовалар сөз сөйлеп, мерекелік лебіздерін білдірді.