Партияның «Бақытты отбасы-бақытты балалық шақ» жобасы аясында «Халықаралық балаларды қорғау күніне» орай «Нұр Отан - балаларға» республикалық акциясы аясында «Нұр Отан» партиясы Қармақшы аудандық филиалының «Алдашбай ахун», «Қармақшы», «Тұрмағамбет», «Иіркөл», «Қуаңдария», «Көмекбаев», «Жаңажол» бастауыш партия ұйымдарында балалар арасында спорттық ойындар, мерекелік концерттер мен, ертеңгіліктер, қайырымдылық шаралар атап өтілді. Шараны бастауыш партия ұйымының төрағалары Ә.Білжанов, Б.Байбарақов, Б.Қалдашбаев, А.Дәндесов, Ғ.Ақжігітов, Ә.Қоқановтар ашып, балаларды мерекелерімен құттықтап ыстық лебіздерін білдіріп, жартылай жетім, тұрмысы төмен отбасы балаларына, мүгедек балаларға сыйлықтар ұсынып, тәттілер үлестірді. Сонымен қатар мерекеде болған жәрмеңкеден түскен қаражатқа балабақша қызметкерлері тарапынан да балаларға сыйлықтар табыс етілді. Осындай атаулы мерекені ұйымдастырып, жасалып жатқан көмектерге дән риза болып, балаларының қуаныштарын көрген ата-аналар елге алғыстарын білдірді.