Партияның саяси Доктринасында отбасы қоғамымыздың құндылықтарын сақтаудың маңызды институты. Отбасында ұрпақтар сабақтастығы, аға буынға деген құрмет, балаларға қамқорлық, өзара қолдап-демеу дәстүрлері, еңбексүйгіштік және білімге деген құштарлық қалыптасады делінген. Қиын өмірлік жағдайға түскен отбасылар мен балаларды әлеуметтік бейімдеу және көмек көрсету жұмыстарына жұртшылықты тарту мақсатында «Нұр Отан» партиясының «Бақытты отбасы-бақытты балалық шақ» жобасы бойынша «Ха…лықаралық балаларды қорғау күніне» орай «Нұр Отан - балаларға» республикалық акциясы аясында аудандық партия филиалында көп балалы отбасы балаларымен және ата-аналарымен кездесу болып өтті. Кездесу барысында «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д.Буханов ашып, балаларға сыйлықтар табыс етіп, тәттілер үлестірді. Шара барысында Халықаралық «Қазақ тілі» қоғамы аудандық филиалының төрағасы Ә.Құлдүйсенов, «Аудандық әйелдер кеңесінің» төрайымы, аудандық мәслихат депутаты К.Раева балалардың мерекелерімен құттықтап, ыстық лебіздерін білдірді. Одан соң көп балалы ана, «Алтын алқа», «Күміс алқа» иегерлері З.Исмайлова, Г.Шүлдірбаевалар бүгінгі мерекеде балаларының қуаныштарын көріп, партияға алғыстарын білдіріп, ризашылықтарын айтты.