ОТБАСЫ-МЕМЛЕКЕТТІҢ БАСТЫ БАЙЛЫҒЫ

Жуырда «Нұр Отан» партиясының «Бақытты отбасы – бақытты балалық шақ» жобасы бойынша «Халықаралық балаларды қорғау күніне» орай «Нұр Отан – балаларға» атты республикалық акциясы аясында аудандық партия филиалында көпбалалы отбасылармен кездесу өтті.
Кездесуді «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д.Буханов ашып, балаларға сыйлықтар табыс етіп, тәттілер үлестірді.
Шара барысында Халықаралық «Қазақ тілі» қоғамы аудандық филиалының төрағасы Ә.Құлдүйсенов, аудандық әйелдер кеңесінің төрайымы, аудандық мәслихат депутаты К.Раева балаларды мерекелерімен құттықтап, ыстық лебіздерін білдірді.
Мерекелік шара барысында «Алтын алқа», «Күміс алқа» иегерлері З.Исмайлова, Г.Шүлдірбаевалар балаларының қуаныш сыйлаған нұротандықтарға алғыстарын айтып, ризашылықтарын білдірді.