«ЖЫРАУЛАР ЖЫРЫН ТӨККЕНДЕ»

Бүгін аудандық жыраулар үйінде «Жыраулар жырын төккенде» атты рухани жыр кеші жоғары деңгейде өтті.

Кештің шымылдығын аудандық мәдениет және тілдерді дамыту бөлімінің басшысы Ғарышбек Бауыржанұлы ашып, жыраулық өнердің ұлт руханиятындағы орны мен маңызына тоқталып, шараға қатысушыларға ізгі тілегін жеткізді.

Кеш барысында Сыр өңірінің жыраулық өнері дәріптеліп, ұлттық құндылықтар, ел бірлігі, туған жерге деген сүйіспеншілік пен рухани мұраның маңызы кеңінен насихатталды. Жыраулардың тағылымды толғаулары мен термелері көрермен көңілінен шығып, ұлттық өнерге деген құрметті арттыра түсті.

Іс-шараға қатысып, өнер көрсеткен жыраулар мен өнерпаздарға және рухани кештің көрермендеріне шынайы алғысымызды білдіреміз.

Ұлттық өнеріміз жасай берсін, жыраулық дәстүрдің үні мәңгілік жаңғыра берсін!