ҰЛТТЫҚ МҰРА ҰЛЫҚТАЛДЫ

Ұлттық домбыра күніне орай музейде ұлттық өнер мен рухани мұраны дәріптеуге арналған «Домбыра керуен» атты тақырыптық көрме ұйымдастырылды.

Көрме барысында қазақ халқының қасиетті музыкалық мұрасы – домбыраның тарихы, оның жасалу ерекшеліктері, түрлері мен ұлттық мәдениеттегі орны кеңінен таныстырылды. Музей қорындағы құнды жәдігерлер келушілер назарына ұсынылып, домбыраның халқымыздың тұрмыс-тіршілігімен, салт-дәстүрімен және рухани өмірімен тығыз байланысы жайында мазмұнды ақпарат берілді.

Іс-шараның көркін аудандық Жыраулар үйінің өнерпаздары аша түсті. Олар ұлттық өнердің мәйегі саналатын әсерлі күй мен тағылымды жырларды орындап, көрермендерге ерекше рухани әсер сыйлады.

Ұлттық құндылығымыздың алтын арқауы – домбыраның қоңыр үні ешқашан үзілмей, халқымыздың рухани мұрасы мәңгі жасай берсін! Ұлттық өнеріміз өркендеп, дәстүрлі мәдениетіміз ұрпақтан-ұрпаққа аманат болып жалғаса берсін!