ҰЛТТЫҚ ДОМБЫРА КҮНІНЕ АРНАЛҒАН МЕРЕКЕЛІК КЕШ ӨТТІ

Аудан әкімінің тапсырмасына сәйкес, Ұлттық домбыра күніне орай Қорқыт ата кешенінде ұлттық өнерді ұлықтаған мерекелік кеш ұйымдастырылды.

Тағылымды шараға аудан әкімінің орынбасары Диас Молдабаев қатысып, жиналған қауымды мерекемен құттықтады. Өз сөзінде домбыраның қазақ халқының рухани болмысы мен ұлттық құндылықтарының көрінісі екенін айтып, ұлттық мұраны дәріптеу – ұрпақ тәрбиесіндегі маңызды міндеттердің бірі екенін жеткізді. Сондай-ақ ұлттық өнерді насихаттап жүрген өнерпаздарға алғысын білдіріп, ізгі тілегін арнады.

Күй мен жыр үндескен мерекелік кеш барысында ұлттық өнердің көрнекті өкілдері жырау-жыршыларымыз сахна төрінде өнер көрсетіп, көрерменге рухани әсер сыйлады.

Қармақшы ауданы әкімінің баспасөз қызметі