Мәдениет үйлері мен клуб кәсіпорындары әдіскерлерінің кәсіби біліктілігін арттыру, шығармашылығын анықтау, мәдени іс-шараларды жоғары деңгейде ұйымдастыру қабілетін байқау, үздік тәжірибелерін насихаттау мақсатында ұйымдастырылған облыстық байқауға 8 әдіскер қатысып, өзара бақ сынасты.

Мәдениет үйлері мен клуб кәсіпорындарының іс-қағаздарын жүйелі жүргізуге қалыптастыру, әдістемелік жұмысты ұйымдастыруда инновациялық тәсілдерді қолданысқа енгізіп, жаңашылдыққа бағыттау мақсатында ұйымдастырылған облыстық байқауға Қызылорда облыстық халық шығармашылығын дамыту және мәдени - продюсерлік орталығының басшысы Құрамысова Жанат Ашанқызы, облыстық халық шығармашылығын дамыту және мәдени-продюсерлік орталығының сценарист-режиссері Бұрханова Орынкүл Балтабайқызы, Ш.Төлепова атындағы аудандық мәдениет үйінің директоры Наурызбаева Нұршат Бегежанқызы қазылық етті.

Қазылар алқасының шешімі бойынша Жалағаш ауданы, Аққұм ауылдық клуб үйінің әдіскері Тұрабаева Айгүл бас жүлдемен, Қармақшы ауданы, Сәрсенбай Бөртебайұлы атындағы ауылдық клуб үйінің әдіскері Әбілтаева Ақлимаш І орынмен, Шиелі ауданы, Н.Бекежанов атындағы ауылдық мәдениет үйі әдіскері Еркінбайқызы Айгүл ІІ орынмен, Сырдария ауданы, Бесарық ауылдық мәдениет үйінің әдіскері Дүйсенбаева Маржан ІІІ орынмен марапатталды. Қалған қатысушыларға ынталандыру сыйлығы табысталды.