Жерлесіміз жеңіспен оралды

Бүгін облыстық халық шығармашылығын дамыту және мәдени-продюсерлік орталығы мен Жаңақорған аудандық мәдениет және тілдерді дамыту бөлімінің ұйымдастыруымен Жаңақорған ауданы, Көктөбе ауылдық округінде еліміздің мәдениетінің дамуы мен өркендеуіне мол үлес қосқан қазақтың белгілі драматургі, Қазақстанның халық жазушысы Қалтай Мұхамеджановтың 90 жылдығына арналған «Қазақтың дара Қалтайы» атты облыстық монолог оқу шеберлерінің байқауы өтті. Осы байқауға Қызылорда облысының барлық аудандарынан 14 талантты жастар қатысып, соның ішінен Қармақшы ауданының талантты өнерпазы аудандық мәдениет үйінің қызметкері Гүлфариза Шакарова бас жүлдеге ие болды.