Облыстық халық шығармашылығын дамыту және мәдени-продюсерлік орталығының ұйымдастыруымен ҚР Президенті Н.Назарбаев­тың Қазақстан халқына Жолдауын насихаттауға арналған «Рухани жаңғыру – тарих тағылымы» атты мәдени-үгіт бригадаларының облыстық байқауы өтті. Онда жерлестеріміз топ жарып, үздік үштікті түйіндеді.
Байқауға әр ауданнан және қалалық мәдениет үйлері жанынан құрылған 7 мәде­ни-үгіт бригадалары қатысып, бақ сынасты. Қаты­сушылар арасында жерлестеріміз, ау­дандық мәдениет үйі жанынан құрылған «Өр­­леу» мәдени-үгіт брига­дасы көп­шіліктің көңілі­нен шығып, жүлделі ІІІ орынның биігін бағындырды.
Айта кету керек, шарада қармақшылық сайыскерлердің жаңа бағдарламамен көзге түсіп, ізденіспен келгенін ерекше атап өтті. Бағдарламада ауданның жағымды жаңалықтары, әсем әндер мен би қойылымдары, сонымен қатар телебағдарламалық ток-шоуы көрермен назарына ұсынылды.