Бас жүлдені иеленді
Облыстық халық шығармашылығын дамыту және мәдени-продюсерлік орталығының ұйымдастыруымен облыстық өнер сайысы өткізілді. Өнерлі жұптарды анықтаған байқаудың мақсаты ұлттық салт-дәстүрімізді дәріптей отырып, жас ұрпақтың махаббатқа деген құрметін, шынайы сезімге деген ықыласын арттыру.
Үдеден шыққан жерлестеріміз, аудандық ішкі саясат бөлімінің маманы Берік Айтов пен балабақша тәрбиешісі Гаухар Төлебаева сайыстың бас жүлдесіне ие болды. Даналығымен, даралығымен көзге түскен жарасымды жұптың өнері мен іңкәр махаббаты көпшілікке үлгі болды.
