«Махаббат – мәңгі ертегі» атты облыстық байқау өтті

Жуырда аудандық мәдениет үйінде білім қызметкерлерінің ұйымдастыруымен ұлттық ғашықтар күніне арналған «Махаббат – мәңгі ертегі» атты облыстық байқау өтті. Махаббат байқауына аудан әкімі аппаратының инспекторы Д.Нәзікбаев, облыстық кәсіподақ комитеті төрайымының орынбасары Г.Есқалиева, аудандық жастар ресурстық орталығының директоры М.Ибраев, аудандық білім бөлімінің әдістемелік кабинет меңгерушісі Қ.Аймаханова, облыстық жастар кеңесінің төрайымы А.Өміртай қазылық етіп, жас жұбайларға оң бағасын берді. Сайыс қорытындысы бойынша «Көрермендер көзайымы» атауымен Шиелі ауданынан келген Ербол мен Шолпан, «Өнерлі жұп» атауымен айдынды Аралдан келген Замат пен Әсия, «Жарасымды жұп» атауымен өңірімізден қатысқан Бауыржан мен Мөлдір, «Жаңалық жаршысы» атауымен Ербол мен Гүлнұр, «Нәзік гүлі» атауымен Жолдасбек пен Рыскүл сынды жұптар марапатталды. Сонымен қатар, Қызылорда қаласынан келген Нұрқанат пен Салтанат есімді жас жұбай ІІІ орынды иеленді. Жаңақорғандық Асылжан мен Рәбиға жұбы ІІ орынды иемденсе, сырдариялық қос ғашық Ерболат пен Нұргүл жүлделі І орын жеңімпазы атанды. Қатысушы барлық үміткерге алғыс хат табысталып, бағалы сыйлықтар тарту етілді.

Айнұр ӘЛИ