«Алтын діңгек-өзім туған босағам» атты байқау өз мәресіне жетті

1 наурыз «Алғыс айту» мерекесі қарсаңында Елбасының "Болашаққа бағдар: рухани жаңғыру" бағдарламасы аясында "Алтын діңгек - өзім туған босағам" атты мемлекеттік мекемелер арасындағы байқау өз мәресіне жетіп, қорытындыланды. Жыл басынан бері 6 ұжым өнер көрсеткен қорытынды кешке «Аудандық мәдениет және тілдерді дамыту бөлімі» басшысы Н. Наурызбаева, аудандық «Жастар ресурстық орталығының» директоры, аудандық мәслихат депутаты М. Ибраев қатысып ауыл өнерпаздарының үздіктерін марапаттап, сыйлықтарын табыс етті.
Іс шара барысында қазылық еткен әділ қазылар алқасының шешімімен 60 өнерпазға ауыл әкімінің марапаты табысталды. Сонымен бірге № 106 орта мектеп ұжымына, № 12 «Самал» балабақшасының ұжымына, ауылдық клуб үйі ұжымына, ауылдық әкімшілік ұжымына, Фап, вет пунк, пошта, электрик, орманшы мекемелерінің ұжымына ауыл әкімінің алғыс хаты мен сыйлыққа 10 000 мың теңгеден табыс етілді.
«Алтын діңгек-өзім туған босағам» атты байқауда «ҮЗДІК ҰЖЫМ» жастар командасы деп танылып, 50 000 мың теңгенің сертификаты табыс етілді.