КӨҢІЛДІ КЕШ
Ауылдық округ әкімі аппаратының мұрындық болуымен «Мәдениет пен өнер» күндері аясында іс-шаралар жоспары құрылып, ауылдағы 8 мекеме мамандары мен ауыл жастары апта сайын сайыс өткізуді жоспарлаған. Елбасының «Болашаққа бағдар: рухани жаңғыру» бағдарламасы аясында «Алтын діңгек – өзім туған босағам» атты мемлекеттік мекемелер арасындағы кезекті кешті №106 орта мектеп, №12 «Самал» балабақшасы және Иіркөл ауылдық клуб үйінің өнерпаздары өткізді. Байқау бағдарламасына сәйкес өз өнерін көрсетіп, ауыл халқына қуанышты көңіл-күй сыйлады. Мәдениет саласының майталмандары керемет ән мен әзілден шашу шашты.
