Осындай тақырыппен ауылдық клуб үйінде Астананың 20 жылдық мерекесіне орай концерт ұйымдастырылды. Концертке аудандық мәдениет үйінің директоры  Ерлан Құлмырзаев қатысты. Жоғары деңгейде ұйымдастырылған шарада ауыл жастары өз өнерін ортаға салды. Жұмаш Жансая  мың бұрала би билесе, Қалдыбай Нұрдаулет, Эльвира Өтебаева, Жомарт Рақымжанов, Әділбек Әбішев әсем әнімен көрерменді тәнті етті. Кішкентай әнші Жания Қыдырбек «Бала тілегі» әнін шырқаса, Айару Жақсылыққызы «Туған жер» әнін тарту етті. «Құрбылар» тобы да халық әндерін шырқап, ауыл тұрғындарына жақсы көңіл-күй сыйлады.