«ТУҒАН ЖЕРІМ МЕНІҢ – ҚАЗАҚСТАНЫМ» ӘНДЕР БАЙҚАУЫ ӨТКІЗІЛДІ

Республика күніне орай Қармақшы ауданының №26 орта мектебінде «Туған жерім менің – Қазақстаным» атты патриоттық әндер байқауы өткізілді.

Іс-шараның мақсаты – білім алушылардың бойында отансүйгіштік сезімді қалыптастыру, туған жерге деген сүйіспеншілігін арттыру, ұлттық рух пен елдік сананы нығайту, патриоттық әндер арқылы Қазақстанның тәуелсіздігі мен бірлігін дәріптеу.

Байқау барысында білім алушылар Отанға, туған жерге және ел тәуелсіздігіне арналған әндерді орындап, өнерлерін көрсетті. Іс-шара жас ұрпақтың бойында елге деген құрметті арттырып, патриоттық құндылықтарды насихаттауға бағытталды.

Республика күні – елдігімізді айшықтап, тәуелсіздігімізді ұлықтайтын маңызды мереке. Еліміздің ертеңі – жас ұрпақтың бойында отансүйгіштік рухты қалыптастыру бағытындағы жұмыстар алдағы уақытта да жалғасын табады.