Аудандық мәдениет үйінде аудандық білім бөлімі мен білім қызметкерлері кәсіподақ комитетінің ұйыдастыруымен «Әлемнің нұры әйелдер» тақырыбында 8 – наурыз Халықаралық әйелдер мерекесіне орай білім саласы қызметкерлерінің салтанатты жиыны болып өтті.
Салтанатты шараға аудан әкімі орынбасары М.Самитов, білім бөлімінің басшысы Ж.Омаров, бөлімі басшылары,"Қазақ тілі" Халықаралық қоғамдық бірлестігінің төрағасы Ә.Құлдүйсенов, аудандық ардагерлер кеңесінің төрағасы Қ.Есдәулетов, аудандық мәслихат депутаттары, білім саласының ардагерлері мен қызметкерлі қатысты. Шара барысында аудан әкімі орынбасары М.Самитов білім саласындағы ардагер ұстаздар мен қыз – келіншектерді 8-наурыз әйелдер күні мерекесімен құттықтап алғыс хаттар тапсырды. Салтанатты шара білім саласының өнерпаздарының концерттік бағдараламасына жалғасты.