СЪЕЗД ДЕЛЕГАТТАРЫМЕН КЕЗДЕСТІ
«Нұр Отан» партиясы аудандық филиалы және жастар ресурстық орталығының ұйымдастыруымен «Жас Отан» жастар қанатының республикалық ІҮ съездіне қатысушы делегаттармен бейресми форматтағы кездесу болып өтті.
Аталған шараға «Нұр Отан» партиясы аудандық филиалы төрағасының бірінші орынбасары Д.Буханов, аудандық жастар ресурстық орталығының директоры М.Ибраев, аудан әкімдігі аппаратының бас мамандары, съезд делегаттары Н.Шәпи, И.Уразбаева және Қармақшы аграрлы-техникалық колледжінің белсенді жастары мен оқытушылары қатысты. Д.Буханов кездесуге қатысушыларды съезд делегаттарымен таныстырып, «Жас Отан» жастар қанатының негізгі жұмыс бағыттарын атып өтті. Шара барысында делегаттар өз әсерлерімен бөлісіп, көрген-білгендерін ортаға салды. Аудан жастарын бір ортағы тоғыстырған кездесу сәтінде қатысушылар өздерін толғандырған сұрақтарын қойып, «Жас Отан» ЖҚ аудандық филиалының алдағы уақыттарда атқаратын жұмыс жоспарын белгіледі. Кездесу соңы естелік суретке түсумен қорытындыланды.
Азиз ДҮКЕНБАЙҰЛЫ.
