Үздік көшбасшы - 2019

Бүгін Дүр Оңғар ауылдық мәдениет үйінде облыстық халық шығармашылығын дамыту және мәдени-продюсерлік орталығы мен аудан әкімдігінің ұйымдастыруымен Қармақшы ауданының "Құрметті азаматы", Сырдың сырбаз сұлтаны Сұлтан Сармолдин атындағы «Үздік көшбасшы - 2019» клуб кәсіпорындары директорларының облыстық байқауы өтті. Байқау қорытындысы бойынша ІІІ орын Бидайкөл ауылдық клуб үйінің директоры Қалимаш Сейділдаева  (Шиелі ауданы) мен Айдарлы ауылдық клуб үйінің директоры Анар  Қалдыбаеваға (Сырдария ауданы) бұйырса, ІІ орынды Қаракеткен ауылдық клуб үйінің директоры Жасұлан Жәрменов иеленді (Жалағаш ауданы). Ал І орынды Төретам кенттік клуб үйінің директоры Әйгерім Айтжанова  (Қармақшы ауданы) иеленсе, бас жүлдені Түгіскен ауылдық клуб үйінің директоры Бақыткүл Тасқожаева  (Жаңақорған ауданы) қанжығасына байлады.