ҰСТАЗДАР ҰЛЫҚТАДЫ
Отан қорғаушылар мен Жеңіс күні мерекесі қарсаңында аудандық білім бөлімі мен білім қызметкерлері кәсіподақ комитетінің ұйымдастыруымен «Бейбіт күн жасасын әлемде» тақырыбында мерекелік кеш өтті. Шарада аудан әкімінің орынбасары Еркебұлан Меңлібаев құттықтау сөз сөйледі.
- 7-мамыр Отанымыздың тыныштығын қорғап жүрген ерлерімізді ұлықтайтын күн. Жас ұрпақ елді қорғау жолында ерлік жасаған тұлғаларды ешқашан ұмытпайды. Мейрам қарсаңына тұспа-тұс келген мұсылманның ұлық мерекесі саналатын Рамазан айымен баршаңызды құттықтаймын. Ұстаған оразаларыңыз бен жасаған құлшылықтарыңыз қабыл болсын! – деді аудан әкімінің орынбасары.
Мұнан соң бірқатар сала қызметкерлеріне, тыл ардагерлеріне, мерейтой иелеріне аудан әкімінің алғыс хаты мен бағалы сыйлықтары табысталды. Сонымен қоса аудандық білім бөлімі мен қорғаныс бөлімінің басшылары сала қызмеркерлеріне алғыс хат табыстады.
Кеш соңы мерекелік концертке ұласты.
А.Сағынтай
