ХАЛЫҚ ҚАЛАУЛЫСЫН ТАҢДАЙДЫ

    Еліміздің тәуелсіздік жылдарында қалыптасып, өсіп-өркендеуінде Елбасымыздың үлкен еңбегі бар. Бірі – біліп, бірі – білмейтін әлемдік картада Қазақстан атты жаңа мемлекет бой түзегенде, көп адамның оның болашағына күмәнмен қарағаныжасырын емес. Десе, Елбасының отыз жылдық ерлікке бергісіз ерен еңбегінің арқасында Қазақ елі халықаралық қауымдастыққа кеңінен танылып, әлем мойындаған мықты мемлекетке айнала білдік. Елбасы қашан да – Көшбасшылық етуде басқаларға үлгі. Оның сара саясаты, көрегенділігі – талай Мемлекет басшысын тәнті етті. Төл туындысы – бүгінгі Нұр-Сұлтан қаласын әлемге паш ете білді. Мемлекет үшін аса маңызды шешім қабылдауда да Елбасы қателескен емес. Соның бірі – Президент креслосын босатқанда да қазақстандықтар Қазақстан Республикасының Тұңғыш Президенті – Елбасы даналығына тағы да бір куә болғаны бар. Міне, бүгін Қазақстан Республикасының Президенті Қ.Тоқаевтың халыққа Үндеуін тыңдап, кезектен тыс Президент сайлауы өтетін білдік. Бұл да – батыл шешім. Себебі, жас мемлекетіміз үшін сайлау – аса маңызды. Айтулы науқанға ел тұрғындары біркісідей белсенділік танытатынына күмәнім жоқ.

Ділдәгүл ТІЛЕУБАЕВА,

аудандық пошта байланысы торабының басшысы.