Қазақстанның Тұңғыш Президенті Нұрсұлтан Назарбаев ұлы саясаткер, әлем мойындаған тарихи тұлға ретінде тарихта мәңгі қалады.

Қазақстанның тәуелсіздік жолындағы жеткен жетістіктері тікелей Елбасының ерен еңбегінің арқасы. Ол халыққа бар күш-жігерімен адал қызмет етті. Мемлекетімізді жаһандық экономиканың ажырамас бөлігіне айналдырды. Инвестиция тартып, әлемнің барлық дерлік елдерімен сауда-саттық жүргізу мүмкіндігін көрсете білген кемеңгер. Мемлекет ретінде Қазақстан әлем картасынан ойып өз орнын алды. Қазақ елі бүгінде өз Туы, Әнұраны, Елтаңбасы бар тәуелсіз елге айналды. Елбасы жуырда «Еліміздің, халқымыздың қамы – менің мүддем болып қала береді», – деп маңызды әрі парасатты шешім қабылдады. Оның шешімін қолдап, жұдырықтай жұмылып, бір жеңнен қол, бір жағадан бас шығарып, Қазақстанның туын әркез биік ұстай берейік.