8 наурыз - Халықаралық әйелдер күні

8 наурыз - Халықаралық әйелдер күніне арналған 

«Қай жерде, мейлі, қай елде, Әлемнің мәні - әйелде» атты 

аудандық мерекелік салтанатты шара

Әйел, қыздар сендер көктем гүлісің, 

Ақындардың өлең арнар жырысың. 

Ұрпақ жалғап, өмір сыйлап адамға, 

Ғасырларға жалғасады бұл ісің.

Қармақшы аудандық білім бөлімі және аудандық білім және ғылым қызметкерлері кәсіподақ комитетінің ұйымдастыруымен 8 наурыз-Халықаралық әйелдер мерекесі қарсаңында «Қай жерде, мейлі, қай елде, Әлемнің мәні - әйелде» атты мерекелік салтанатты шара 2019 жылдың 5 наурыз күні Қармақшы ауданы «Ақ тілек» мейрамханасында өтті. Шараға мектептер мен балабақшалардың педагогтары және техникалық қызметкерлері қатысты. 

Аудандық білім бөлім басшысының уақытша міндетін атқарушы Г.Шарапатов және аудандық білім қызметкерлері кәсіподақ комитетінің төрайымы Ж.Молдабаева білім қызметкерлерін мерейлі мерекесімен құттықтап, сыйлықтар табыс етті.

Шарада Қармақшы аудандық білім қызметкерлері кәсіподақ комитетінің жанынан құрылған «Жас қанат» жастар кеңесінің мүшелері би билеп, ән айтып, қонақтарға жақсы көңіл-күй сыйлады. Қатысушы қонақтар сөз сөйлеп, ізгі тілектерін білдіріп, алғыстарын жеткізді.