"Алтын белгі" иегерлерінің алғашқы ұстаздары Астана қаласына саяхатқа тегін жолдама берілді.

Қармақшы аудандық білім бөлімі мен аудандық білім қызметкерлері кәсіподақ комитетінің ұйымдастыруымен Қазақстан Республикасы Тәуелсіздік күніне байланысты 2018 жылдың желтоқсан айының 14-не 2017-2018 оқу жылындағы өз білімдерін дәлелдеген 25 "Алтын белгі" иегерлерінің алғашқы ұстаздарын аудандық білім бөлімінің басшысы Омаров Жарқын Тұрмаханұлы қабылдады.

Кездесуде білім бөлімінің басшысы Ж.Омаров облыстық мәслихат депутаттары Үйреков Кенжебек Сисенұлы, Әбдікәрімов Шакизада Өтетілеуұлының демеушілігімен және облыстық білім қызметкерлері кәсіподақ комитетінің төрайымы Райкүл Мансұрқызы Байназарованың қолдауымен 20 бастауыш сынып мұғаліміне Астана қаласына саяхатқа тегін жолдамаларын табыстады.