Аудан орталығындағы №26 орта мектептің базасында аудандық білім қызметкерлері кәсіподақ комитетінің жанынан құрылған «Жас қанат» жастар кеңесінің кезек отырысы болып өтті. Отырысқа аудандық білім қызметкерлері кәсіподақ комитетінің төрайымы Ж.Молдабаева, «Жас қанат» жастар кеңесінің төрағасы Е.Байдрахманов, «Жас қанат» жастар кеңесінің мүшелері және жаңадан қабылданған жас ұстаздар қатысты.

Кезекті отырыстың басы №26 орта мектептің психологі Бағжан және Шынардың тренингімен басталып, қатысушыларды топ топқа бөліп, бір-бірлерімен таныстырып, көңілдерін бір серпітті. Отырыс барысында аудандық білім қызметкерлері кәсіподақ комитетінің төрайымы Ж.Молдабаева Елбасы Н.Назарбаевтың 2019 жыл - Жастар жылы деп жариялауына байланысты жастарды бірлесіп жұмыс жасауға, түрлі шаралар өткізуге, белсенділік танытуға шақырды. «Жас қанат» жастар кеңесінің төрағасы Е.Байдрахманов 2016 жылдан бері атқарылған жұмыстардың есебін беріп, жаңадан қабылданған жас ұстаздарды таныстырып өтті. Е.Байдрахмановтың қызметінің өсуіне орай, «Жас қанат» жастар кеңесінің мүшелері төрағалыққа №26 орта мектептің математика пәні мұғалімі, белсенді ұстаз Ізкенов Қуандықты бір ауыздан сайлады.

Аудан жастары 2019 жылдың жоспарына өз ұсыныстарын ортаға салып, тұжырымды пікірлер айтып, ойларымен бөлісті. Алдағы уақытта жаңа жылдық іс-шара мен 2019 жыл «Жастар» жылын қызықты, тартымды шаралар өткізуге атсалысатындарына уаде берді. «Жас қанат» жастар кеңесінің мүшелері Н.Оңдашов, Г.Төлебаева жаңадан сайланған «Жас қанат» жастар кеңесінің төрағасы Қ.Ізкеновке және жас ұстаздарға сәттілік тіледі.

Қызылорда облысы, Қармақшы аудандық білім қызметкерлері кәсіподақ комитетінің маманы Г.Серікбаева