№212 мектеп-гимназиясында "Дүниежүзілік Еңбекті қорғау күні" қарсаңында әдістемелік семинар өтті. Семинарға Қызылорда облыстық кәсіподақтар орталығының төрағасы Сермағамбетов Серік Сағитжанұлы, облыстық кәсіподақ комитетінің төрайым орынбасары Есқалиева Гүлнар Бабабекқызы, Қалалық білім бөлімінің білім қызметкерлерінің кәсіподақ комитетінің төрайымы Алимбетова Орынша Мыржакыпкызы және қала мектептерінің техникалық инспекторлары қатысты.

№212 мектеп-гимназия директоры Тилеуова Габира Ануарқызы ұжымдық шарттың орындалуы туралы мәлімет берсе, бастауыш кәсіподақ ұйымының төрайымы Гүлзира Сүлейменқызы өз тәжірибесімен бөлісті.

№112 мектептің бастауыш кәсіподақ төрайымы Айгүл Сармолдаева Еңбек қауіпсіздігі және еңбекті қорғау жөніндегі өндірістік кеңестің жұмысына тоқталды. Семинарда №23, №112, №140 мектептердің техникалық инспекторлары жұмыстарының көрмесі ұйымдастырылды. Облыстық кәсіподақтар орталығының төрағасы Серік Сағитжанұлы мектебіміздің 50 жылдық мерекесіне орай ізгі тілегін білдірді.