АУҒАН АСУЫНДА ОТ КЕШКЕНДЕР
Ауданымыздан 80-ге жуық қандастарымыз қанды майданда жүріп жатқан Ауған жерінде болып интернационалист жауынгер ретінде соғысқа қатысқаны мәлім.
Қазіргі таңда олардың 42-сі әр түрлі салада еңбек етуде. Әрине, Отанды сүю, туған елдің әрбір азаматының парызы. Аға ұрпақтың өнегелі істерін кейінгі жас ұрпақ үлгі тұтып мақтан ететіні айқын.
Кеңес әскерінің Ауған жерінен шығарылғанына 30 жыл толуына орай ұйымдастырылған шарада аудан әкімінің орынбасары Меңлібаев Еркебұлан Қайырбекұлы Ауған соғысының ардагерлерін қабылдап, Ауғанстан жерінен Кеңес әскерінің шығарылғанына 30 жыл толуына орай мерекелік медальмен марапаттады.
Сонымен бірге шарада Қармақшы аудандық қорғаныс істері жөніндегі бөлімі бастығының міндетін уақытша атқарушы капитан Тұрғанов Рүстем Маматұлы, Ауған және аймақтық соғыс ардагерлер кеңесінің төрағасы Ерманов Асқар Байдуллаұлы мерекемен құттықтап, жылы лебіздерін жеткізді.
Шара соңы аудан көркемөнерпаздарының мерекелік ән-шашуымен жалғасты.
