№277 орта мектепте Кеңес əскерлерінің Ауған жерінен шығарылғанына 30 жыл толуына арналған "АУҒАН, СӨНГЕН ШОҚ, ӨШКЕН АРМАН ТЕК СЕНЕН ЕСТЕ ҚАЛҒАН..." тақырыбымен Ауған соғысының ардагерлерімен кездесу кеш өтті. Кеш қонақтары: Қызылорда қаласындағы Ауғанстан ардагерлер қауымдастығының төрағасы Ирюков Кенжебек Сисенұлы, Ауған соғысының ардагерлері Сандыбаев Марқабай Базарбайұлы, Каратаев Ержан, Холов Алмас, Байқоңыр қаласының қорғаныс істер жөніндегі бөлім бастығы майор Қарашолақов Оралбек Жұмаұлы, №275 орта мектептің АƏД мұғалімі Құпияев Жайық Ысқақұлы. Бұл соғыс туралы шындық талай жылдар бойы тұмшаланып келді. Тек еліміз Тəуелсіздік алғаннан кейін ғана шындықтың беті ашылды. Өмір мен өлім белдескен қанды шайқасқа қатысып, батылдық пен ерліктің ерен үлгісін көрсеткен қаһарман жерлестеріміз өз естеліктерімен бөлісіп, бүгінгі Тəуелсіз елдің төл перзенттеріне өз Отанын қадірлейтін, еліне адал, жауапкершілігі мол азаматтар болып тəрбиеленуіне тілек білдірді. Кеште 10 "Ə" сынып оқушылары Калмаханова Аида мен Сандыбеков Досымхан өз өнерін көрсетсе, кеш төрінде Нышанбеков Дəулет, Жиеней Алина, Беласарова Амина Тəуелсіз еліміздің туының тұғыры берік əрі мықты екендігін паш етті.