Сенің ерлігіңе – табынамын
Қалалық кітапханада Кеңес әскерлерінің Ауғанстан жерінен шығарылғанына-30 жыл толуына орай №30 Омар Шораяқұлы атындағы орта мектептің 9 сынып оқушыларының қатынасуымен «Ауғанның асуында от кешкендер» атты кездесу кеші болып өтті. Кездесуге Ауған соғысының ардагерлері А.Ерманов, Ә.Жалмағанбетов, Б.Исаханов, Ә.Ысқақовтар қатынасты. Бүгінгі өткізілген іс-шараның мақсаты: Ауған оқиғасының тарихи мағынасын ашып, оқырмандарға түсіндіру. «Ауған соғысы» жайлы тереңірек біліп тану, соғыс ардагерлерінен мәлімет алу. Шет жерде күрескен аға –апаларымыздың ерлігін кейінгі ұрпаққа үлгі ете отырып, оқырмандарды ұлытжандылыққа Отан сүюге тәрбиелеу. Ауған жерінде орын алған соғыстың ақиқаты мен қаһарлы күндерін бойларына патриоттық қасиетті сіңіру мақсатында бүгінгі жас буын өкілдерінің білуі шарт. Сол арқылы тарихта қалған Ауған майданы ардагерлерінің қаһармандығынан тәлім алып, бүгінгі егеменді ел азаматтарының сол кездегі бастан кешкен қасіретін біліп, ел тыныштығын сақтау жолындағы ерліктерін бағалау басты міндет.
