Елбасының жарияланған Жолдауы еліміздің даму бағыттарын айқындайтын факторларды қамтумен басты назарда болып отыр. Әсіресе, жаңа технологиялар мен бизнес-модельдерді енгізіп қана қоймай, агроөнеркәсіп кешенінің ғылымға негізделуін арттырып, шаруашылықтарды кооперациялау қажеттігін дамыту бағытын жолға қою көзделген.

Сонымен қатар, қазіргі таңда ауыл шаруашылығы субъектілерінің кооператив түрінде жұмыс істеуіне жан-жақты қолдау көрсетіп қана қоймай, мемлекет бизнестік жобаларды жолға қойып, отандық өнімді халықаралық деңгейде нарыққа шығарудың тиімділігі өте зор.

Ауыл шаруашылығын қарқынды дамытумен қатар, өзімізден шығарылған өнімнің сапасы мен экологиялық тазалығын сақтай отырып жүзеге асыру, үлкен маңызға ие. Бұл дегеніміз - бүкіл әлемге танылатын «Қазақстанда жасалған» табиғи азық-түлік брендін қалыптастырып, өзге дамыған елдермен иық теңестіруге таптырмас мүмкіндік болып саналады.